Türkiyənin əhalisi 86,3 milyona çatdı
Türkiyənin əhalisi 2026-cı ilin ilk yarısında artaraq 86 milyon 320 min 602 nəfərə çatıb. Türkiyə Statistika Təşkilatının (TÜİK) açıqladığı məlumatlara görə, əhalinin 50,01 faizini kişilər, 49,99 faizini isə qadınlar təşkil edir. Yaş qrupları üzrə ən böyük əhali 25-29 yaş qrupunda qeydə alınıb. Bu yaş qrupunda 6 milyon 655 min 400 nəfər yaşayır. 10-14 yaş qrupunda 6 milyon 562 min 310, 15-19 yaş qrupunda 6 milyon 402 min 350, 30-34 yaş qrupunda isə 6 milyon 347 min 537 nəfər var.
Türkiyə əhalisinin sayı 86 milyonu keçib: 2025-ci ilin rəsmi nəticələri
Türkiyə Statistika Qurumu (TÜİK) "Ünvana Əsaslanan Əhali Qeydiyyat Sistemi 2025" nəticələrini açıqlayıb. Hesabata əsasən, Türkiyədə yaşayan əhalinin sayı 31 dekabr 2025-ci il tarixinə bir əvvəlki illə müqayisədə 427 min 224 nəfər artaraq 86 milyon 92 min 168 nəfərə çatıb. Statistik məlumatlar ölkədə kişi və qadın əhalisinin sayının demək olar ki, bərabər olduğunu göstərir. Ümumi əhalinin 43 milyon 59 min 434 nəfərini kişilər (50,02%), 43 milyon 32 min 734 nəfərini isə qadınlar (49,98%) təşkil edir.
Türkiyənin əhalisi 86 milyona yaxınlaşıb
Türkiyənin əhalisi 1 oktyabr tarixinə olan məlumata görə 85 milyon 980 min 654 nəfər olub. Türkiyə Statistika Qurumunun (TÜİK) açıqlamasına görə, ölkənin əhalisi illik və üç aylıq dövrlər üzrə izlənilir. 2024-cü ilin sonunda əhali 85 milyon 664 min 944 nəfər olub və ilin ilk 9 ayında 315 min 710 nəfərlik artım qeydə alınıb. 1 iyul-1 oktyabr dövründə isə əhali 155 min 800 nəfər artaraq ümumi sayını 85 milyon 980 min 654 nəfərə çatdırıb.
