İsrail daxildən dağılır – Ehud Barakdan sərt xəbərdarlıq
Keçmiş baş nazir Ehud Barak İsrailin dağılma təhlükəsi ilə üz-üzə olduğunu və vəziyyətin artıq “geri dönmə nöqtəsi”nə çatdığını bildirib. Onun fikrincə, adi tədbirlər artıq təhlükəni aradan qaldırmağa yetərli deyil və hökumətin “qanunu gözardı edən, dövlət maraqlarına zidd hərəkət edən üsyankar” koalisiyasına qarşı ciddi addımlar atılmalıdır.
İsrail əsgərləri dəri xəstəliklərindən şikayət edirlər, ordu rəhbərliyi isə qulaq ardına vurur
Qəzza əhalisi uzun müddətdir gigiyenik şəraitin olmaması səbəbindən müxtəlif dəri xəstəliklərindən əziyyət çəkirdi. İndi isə eyni infeksiyalar İsrail ordusunun əsgərlərinə də yayılıb. Cümə günü ön cəbhəyə göndərilən yüzlərlə nizami və ehtiyat hərbçi qaşınmadan şikayətlənib, bədənlərində yaralar əmələ gəlib. “Yedioth Ahronoth” qəzetinin dərc etdiyi fotolarda əsgərlərin bədənində açıq yaralar görünür. Onların sözlərinə görə, səbəb bit, taxtabiti, digər həşərat sancmaları, üfunətli qoxu və dayanıqsız sularla bağlıdır. Bir əsgərin atası deyib: “Oğlum əvvəlcə bu əziyyəti gizlətmişdi. Ailəlikcə istirahətə çıxanda təsadüfən bədənindəki yaraları gördük. Bu dəhşətli idi. Övladlarımız qaşınmadan yata bilmir. Bu, Qəzzanın başqa bir lənəti kimi geri dönür.”
