Argentinada kiçik təyyarə qəzaya uğrayıb

Argentinanın Kordova əyalətində keçirilən aviasiya festivalı zamanı kiçik təyyarənin qəzaya uğraması nəticəsində iki pilot həlak olub. AzerVoice xəbər verir ki, bu barədə TN telekanalı məlumat yayıb. Məlumata görə, iki nəfərlik eksperimental akrobatik təyyarə havaya qalxarkən idarəetməni itirib və yerə çırpılıb. Zərbə nəticəsində təyyarə alovlanıb. Qəzaya uğrayan hava vasitəsinin festivalın rəsmi proqramına daxil olmadığı bildirilib.