Türkiyə və ABŞ Baş Qərargah rəisləri arasında görüş keçirilib

Türkiyə Silahlı Qüvvələri Türkiyə və ABŞ ordularının ali hərbi rəhbərləri arasında mühüm görüşün baş tutduğunu açıqlayıb. Türkiyə Respublikası Baş Qərargah rəisi ordu generalı Selçuk Bayraktaroğlu NATO Hərbi Komitəsinin Baş Qərargah rəislərinin toplantısı çərçivəsində ABŞ Baş Qərargah rəisi ordu generalı Con Daniel Keyn ilə ikitərəfli görüş keçirib. Görüş zamanı Türkiyə–ABŞ hərbi münasibətləri, eləcə də regional təhlükəsizlik məsələləri müzakirə olunub.