“Bakı Metropoliteni” və “Stadler Rail Group” arasında əməkdaşlıq perspektivləri müzakirə olunub

AZCON Holdingə daxil olan “Bakı Metropoliteni” QSC ilə İsveçrənin “Stadler Rail Group” şirkəti arasında əməkdaşlıq imkanlarına dair görüş keçirilib.“Bakı Metropoliteni” QSC-nin İdarə Heyətinin sədri Vüsal Aslanov və “Stadler Rail Group” şirkətinin İdarə Heyətinin sədri Peter Şpulerin rəhbərlik etdiyi nümayəndə heyəti arasında baş tutan görüşdə 2025–2030-cu illəri əhatə edən Dövlət Proqramı çərçivəsində görüləcək işlər müzakirə olunub. Görüş zamanı minimum istismar xərclərinə malik təxminən 300 yeni vaqonun alınması məsələsi diqqət mərkəzində olub və layihələrin Beynəlxalq Maliyyə İnstitutlarının dəstəyi ilə həyata keçirilməsinin məqsədəuyğun olduğu vurğulanıb.