Fələstin dövlətini tanımamaq üçün heç bir hüquqi əsas yoxdur - Fələstin XİN rəhbəri

Fələstinin xarici işlər naziri Varsen Ağabekyan iki dövlətli həll modelini dəstəkləyən və beynəlxalq hüquqa inanan ölkələrin Fələstin Dövlətini tanımalı olduğunu bəyan edib. Ağabekyan qeyd edib ki, İsrailin davam edən hücumları səbəbindən tam və davamlı atəşkəs təmin olunmayıb. O, humanitar yardımların mövcud ehtiyacları qarşılamadığını, eyni zamanda işğal altındakı Qərb Sahilində torpaqların mənimsənilməsi prosesinin davam etdiyini vurğulayıb.