London-Pekin yaxınlaşması - Qərb niyə yenidən Çinə ehtiyac duyur?

Son illərdə Böyük Britaniya ilə Çin arasında münasibətlərdə müşahidə olunan soyuqluq tədricən aradan qalxmağa başlayır. Uzun müddət siyasi gərginlik, təhlükəsizlik narahatlıqları və qarşılıqlı ittihamlarla müşayiət olunan münasibətlər yeni mərhələyə qədəm qoyur. London və Pekin arasında diplomatik təmasların intensivləşməsi göstərir ki, dəyişən qlobal şərait hər iki tərəfi daha praqmatik siyasət yürütməyə məcbur edir.