ABŞ Çabahar limanındakı dəniz nəqliyyatına nəzarət qülləsini məhv edib - İran
İran ABŞ-ni Çabahar limanındakı dəniz nəqliyyatına nəzarət qülləsini raketlərlə vurmaqda ittiham edib. Tasnim agentliyinin yaydığı məlumata görə, obyektə üç raket zərbəsi endirildiyi iddia olunur. İran rəsmiləri qüllənin tamamilə mülki təyinatlı olduğunu bildiriblər. Onların sözlərinə görə, hücum balıqçıların fəaliyyətinə və mülki gəmiçiliyin təhlükəsizliyinə mənfi təsir göstərib. Tehran hadisəni "ağır cinayət" adlandırıb və ABŞ-ni beynəlxalq öhdəliklərə əməl etməməkdə ittiham edib. ABŞ tərəfi bu iddialara hələlik cavab verməyib. Məlumat müstəqil mənbələr tərəfindən təsdiqlənməyib. Regionda gərginlik davam edir.
İsrail donanması Qəzza sahilində doqquz balıqçını həbs edib
İsrail donanması Qəzza sahilində fəaliyyət göstərən doqquz fələstinli balıqçını həbs edib. Onların naməlum bir yerə aparıldığı bildirilir. Həbs əməliyyatı Qəzza zolağında davam edən pozuntuların tərkib hissəsidir və atəş açma, avadanlıqların müsadirəsi kimi tədbirləri əhatə edir. Qəzza uzun illərdir İsrailin blokadası altında qalır və 2023-cü ilin oktyabrından sonra tətbiq edilən məhdudiyyətlər daha da sərtləşdirilib.
