NATO sammiti öncəsi Türkiyə Ankara Hava limanını yenilədi

Türkiyənin paytaxtında genişmiqyaslı yenidənqurma və modernləşdirmə işlərindən sonra Ankara Hava Limanı rəsmi olaraq istifadəyə verilib. Səkkiz ay ərzində tamamlanan layihə çərçivəsində hava limanı beynəlxalq standartlara uyğunlaşdırılıb və genişgövdəli təyyarələrin qəbuluna hazır vəziyyətə gətirilib. Açılış mərasimində Türkiyə Prezidenti Recep Tayyip Erdoğan iştirak edib. Dövlət başçısı hava limanına ilk eniş edən şəxs olub və tədbirdə geniş nitqlə çıxış edib.