İranın mülki obyektləri hədəfə alması hərbi cinayətdir - Casim Məhəmməd əl-Budeyvi

Körfəz Əməkdaşlıq Şurasının baş katibi İranın son hücumlarını hərbi cinayət adlandırıb. Casim Məhəmməd əl-Budeyvi Bəhreyn, Küveyt və İordaniyanın hədəfə alındığını bildirib. O, mülki obyektlərə və mühüm infrastruktura zərbələrin qəsdən endirildiyini vurğulayıb. Baş katib hücumları beynəlxalq hüququn ciddi pozulması kimi qiymətləndirib. Onun sözlərinə görə, bu hərəkətlər beynəlxalq məsuliyyət və cinayət təqibi tələb edir. Körfəz Əməkdaşlıq Şurası hücumların regional təhlükəsizliyi sarsıtdığını bildirib. Təşkilat hədəfə alınan ölkələrin suverenliyinə tam dəstək ifadə edib. Əl-Budeyvi beynəlxalq ictimaiyyəti qəti addımlar atmağa çağırıb.