Qazaxıstan və Azərbaycan TBNM-in inkişafını və strateji tərəfdaşlığın genişləndirilməsini müzakirə edib

Qazaxıstan və Azərbaycan strateji tərəfdaşlığın genişləndirilməsi məsələlərini müzakirə ediblər. Danışıqlar Yermeq Köşerbayev və Azərbaycanın Qazaxıstandakı səfiri Əlimirzamin Əsgərov arasında keçirilib. Tərəflər Transxəzər Beynəlxalq Nəqliyyat Marşrutunun inkişafına xüsusi diqqət yetiriblər. Qazaxıstan Azərbaycanı bu nəqliyyat xəttinin inkişafında əsas tərəfdaşlarından biri hesab edir. Görüşdə ikitərəfli ticarətin artırılması və xammaldan kənar ixracın genişləndirilməsi imkanları nəzərdən keçirilib. Sənaye əməkdaşlığı və qarşılıqlı sərmayələrin artırılması da müzakirə olunub. Tərəflər beynəlxalq təşkilatlar çərçivəsində əməkdaşlığın davam etdirilməsinin vacibliyini vurğulayıblar. Bakı və Astana strateji tərəfdaşlıq və müttəfiqlik münasibətlərini daha da möhkəmləndirmək niyyətindədirlər.