Suriyanın terroru dəstəkləyən ölkələr siyahısından çıxarılması ölkə iqtisadiyyatına necə təsir edəcək?

ABŞ Suriyanı 47 ildən sonra terroru dəstəkləyən ölkələr siyahısından çıxarıb. Qərarın Suriyanın iqtisadiyyatının bərpası, xarici investisiyaların cəlbi və beynəlxalq maliyyə sisteminə inteqrasiyasına yeni imkanlar yaratması gözlənilir. ABŞ-ın bu addımı Suriyaya humanitar və digər yardımların göstərilməsi, eləcə də əvvəllər məhdudlaşdırılan bir sıra Amerika mallarının ölkəyə ixracı üçün imkanları genişləndirə bilər. Texnologiya, proqram təminatı və ikili təyinatlı məhsullara tətbiq edilən məhdudiyyətlərin aradan qaldırılması üçün isə əlavə icra prosedurlarının tamamlanması tələb olunur.