Bakı. AzerVoice:
BMT Özbəkistanın terrorizm və ekstremizmlə mübarizə səylərini yüksək qiymətləndirir.
AzerVoice xəbər verir ki, bu barədə Daşkənddə Özbəkistan Respublikası Prezidentinin Xarici Siyasət üzrə Xüsusi Nümayəndəsi Əbdüləziz Kamilov, Strateji və Regional Araşdırmalar İnstitutunun direktoru Eldor Aripov və Birləşmiş Millətlər Təşkilatının Baş katibinin müavini Vladimir Voronkov arasında görüşü zamanı bildirilib.
Məlumata əsasən, tərəflər Özbəkistanın BMT ilə əməkdaşlığı məsələlərini ətraflı müzakirə edib.
Voronkov BMT-nin Terrorla Mübarizə İdarəsi ilə müntəzəm dialoqa göstərdiyi şəxsi diqqətə və siyasi dəstəyə görə Özbəkistan Prezidenti Şavkat Mirziyoyevə minnətdarlığını bildirib. O, son illər Özbəkistanın terrorizm və ekstremizmlə mübarizə üzrə BMT-nin ixtisaslaşmış strukturları ilə fəal əməkdaşlıq etdiyini və bu sahədə fundamental universal hüquqi sənədlərdə iştirak etdiyini vurğulayıb.
