Qahirə,ArabaAZ
Misirin Moqadişudakı səfirliyi öz vətəndaşlarına Somali Federativ Respublikasının Somaliland bölgəsinə səyahət etməmək barədə xəbərdarlıq edib. ArabAZ xəbər verir ki, Qahirə Misir tərəfindən tanınmayan Somalidən qopmuş bir qurum olan Somalilandda olan misirliləri Hargeisa hava limanı vasitəsilə mümkün qədər tez tərk etməyə çağırıb.
Misirin Moqadişudakı səfirliyi də Somalinin hər hansı bölgəsinə səfər etməyi planlaşdıranları müvafiq orqanlar tərəfindən müəyyən edilmiş qayda və prosedurlara tam əməl etməyə çağırıb.
Qeyd edək ki, Yanvar ayında Somaliland Qırmızı dənizdə dəniz bazası və ticarət limanı qurmaq istəyən dənizə çıxışı olmayan Efiopiyaya sahilinin 20 kilometrini 50 il müddətinə icarəyə verməyə razılaşıb və bu, Afrika Buynuzu bölgəsində gərginliyi artırıb.
1991-ci ildə Somalidən birtərəfli qaydada müstəqilliyini elan edən Somaliland, bunun müqabilində Efiopiyanın onu rəsmi olaraq tanıyan ilk ölkə olacağını söyləyib.
