2026-cı ilin yanvar–iyun aylarında Türkiyədə Misir kapitallı 44 yeni şirkət qeydiyyata alınıb. Bu, ötən ilin eyni dövrü ilə müqayisədə 13 şirkət çoxdur.
Bu barədə ArabAZ-a Türkiyə Ticarət və Sənaye Palatasından (TOBB) məlumat verilib.
Qurumdan bildirilib ki, hesabat dövründə Türkiyədə qeydiyyata alınan Misir kapitallı şirkətlərin ümumi kapitalı 112 milyon 225 min türk lirəsi təşkil edib. 2025-ci ilin eyni dövründə bu göstərici 27 milyon 520 min türk lirəsi olub.
2026-cı ilin ilk yarısında Türkiyədə Misir kapitallı 44 yeni şirkət qeydiyyata alınıb. Sərmayənin ümumi həcmi 112 milyon lirəni keçib. Şirkətlərin çoxu İstanbulda fəaliyyətə başlayıb.
TOBB-un məlumatına görə, 2026-cı ilin ilk altı ayında qeydiyyata alınan Misir kapitallı şirkətlərin böyük hissəsi – 37 şirkət İstanbulda fəaliyyətə başlayıb.
“İstanbulda qeydiyyata alınan Misir şirkətlərinin ümumi kapitalı 83 milyon 675 min türk lirəsi təşkil edib”, – deyə qurumdan bildirilib.
Məlumata əsasən, bu ilin yanvar–iyun aylarında Türkiyədə yaradılan Misir kapitallı şirkətlərin 22-si ticarət sektorunda qeydiyyata alınıb. Digər şirkətlər isə sənaye, logistika, xidmət, istehsal, informasiya texnologiyaları və iqtisadiyyatın müxtəlif sahələrində fəaliyyət göstərir.
