Livanın xarici işlər naziri Yusif Rəji “Asharq Al-Awsat” qəzetinə müsahibəsində ölkəsinin müqəddəratını təyin etmək hüququnu bərpa etdiyini bəyan edib. ArabAZ xəbər verir ki, nazir vurğulayıb ki, İsrail ilə danışıqlar aparmaq səlahiyyəti müstəsna olaraq Livan dövlətinə məxsusdur və Livan heç bir regional oxun oyuncağı deyil.
Rəji İranın Livanı xalqın iradəsi xaricində müharibəyə sürüklədiyini bildirərək, “Hizbullah”ın daxili maneələr yaratmasını və cənubdakı kəndlərin taleyi ilə qumar oynamasını kəskin pisləyib. O, milli prioritetin tam suverenlik olduğunu və torpaqların azad edilməsi naminə İsrail ilə danışıqlardan çəkinmədiklərini qeyd edib. Nazir həmçinin “Hizbullah”ın digər ərəb ölkələrindəki təxribat şəbəkələrini lənətləyərək, silahın yalnız dövlət ordusunun əlində olmasının vacibliyini vurğulayıb.
