BAKI, AzerVoice, Fərid Mikayılov
AFFA prezidenti Rövşən Nəcəf bu gün A milli komandanın yeni baş məşqçisi Ayxan Abbasovla görüş keçirib.
AzerVoice xəbər verir ki, görüşdə mütəxəssisin U-21 yığmasında gördüyü işlər və millimizin DÇ-2026-nın seçmə mərhələsində Ukrayna ilə (1:1) oyundakı çıxışı yüksək qiymətləndirilib.
Rövşən Nəcəf bildirib ki, Ayxan Abbasovun rəhbərliyi altında yığmanın qarşıdakı oyunları uğurla keçirməsi üçün AFFA rəhbərliyi tam dəstək göstərəcək. O, komanda və məşqçi heyətinə növbəti görüşlərdə uğurlar arzulayıb.
AFFA prezidenti ilə yanaşı, görüşdə qurumun icraçı vitse-prezidenti Sərxan Hacıyev və baş katib Cahangir Fərəcullayev də iştirak ediblər.
