BAKI,VOA
Bu gün UEFA Çempionlar Liqasında təsnifat mərhələsinin pley-offunda cavab görüşləri keçirilir.
Azərbaycan çempionu “Sabah” Bakıda İsrailin “Hapoel” (Beer-Şeva) klubunu qəbul edib.
Tofiq Bəhramov adına Respublika stadionunda keçirilən matçda əsas vaxt 3:2 hesabı ilə bitib. Ümumi hesab 4:4 olduğundan oyunda əlavə vaxt oynanılıb. Burada isə daha 2 qol vuran təmsilçimiz tarix yazaraq Çempionlar Liqasında Liqa mərhələsinə vəsiqə qazanıb.
UEFA Çempionlar Liqası
Pley-off mərhələsi, cavab oyunu
20:45. “Sabah” – “Hapoel” (Beer-Şeva) 5:2
Qollar: Nvaçukvu 38, Umarali Raxmonəliyev, 74 , T.Mütəllimov,90+4, Mbina, 101, Coy-Lens Mikels,115, - İqor Zlatanoviç, 10, Mizrahi, 61
İlk oyun – 1:2.
xxx
22:59
UEFA Çempionlar Liqasının pley-off mərhələsində "Sabah" və İsrailin "Hapoel" (Beer-Şeva) komandaları arasında cavab oyununda əlavə vaxt oynanılacaq.
Tofiq Bəhramov adına Respublika Stadionunda təşkil edilən görüşün əsas vaxtı komandamızın 3:2 hesablı qələbəsi ilə yekunlaşıb. 90+4-cü dəqiqədə Tellur Mütəllimov qol vurub.
Beləliklə, ilk görüşdə rəqib 2:1 hesabı ilə qalib gəldiyi üçün əlavə vaxt oynanılacaq.
xxx
22:34
UEFA Çempionlar Liqasının pley-off mərhələsində "Sabah" və İsrailin "Hapoel" (Beer-Şeva) komandaları arasında cavab oyununda dördüncü qol vurulub.
Tofiq Bəhramov adına Respublika Stadionunda təşkil edilən görüşün 74-cü dəqiqəsində Sabah"dan Umarali Raxmonaliyev fərqlənib - 2:2.
xxx
21:59
UEFA Çempionlar Liqasının pley-off mərhələsində "Sabah" və İsrailin "Hapoel" (Beer-Şeva) komandaları arasında cavab oyununda ikinci hissə başlayıb.
Tofiq Bəhramov adına Respublika Stadionunda təşkil edilən görüşün ilk yarısından sonra hesab bərabərdir - 1:1.
xxx
21:46
UEFA Çempionlar Liqasının pley-off mərhələsində "Sabah" və İsrailin "Hapoel" (Beer-Şeva) komandaları arasında cavab oyununda ilk hissə başa çatıb.
Komandalar Tofiq Bəhramov adına Respublika Stadionunda təşkil edilən görüşün fəsiləsinə qollu heç-heçə ilə yollanıb - 1:1.
Qarşılaşmanı rumıniyalı FIFA referisi İştvan Kovaç idarə edir.
Qeyd edək ki, səfərdə baş tutan ilk oyunda “Sabah” “Hapoel”ə 1:2 hesabı ilə məğlub olub.
xxx
20:58
UEFA Çempionlar Liqasının pley-off mərhələsində “Sabah” – İsrailin “Hapoel” (Beer-Şeva) qarşılaşmasının cavab matçına start verilib.
Bakıdakı Tofiq Bəhramov adına Respublika Stadionunda keçirilən oyun saat 20:45-də başlayıb.
Matçın baş hakimi rumıniyalı FIFA referisi İştvan Kovaçdır.
Xatırladaq ki, komandalar arasında ilk görüş İsraildə keçirilib və “Sabah” həmin matçda rəqibinə 1:2 hesabı ilə uduzub.
xxx
20:18
UEFA Çempionlar Liqasının pley-off mərhələsinin bu gün keçiriləcək “Sabah” – “Hapoel” (Beer-Şeva) matçında komandaların start heyətləri müəyyənləşib.
“Hapoel” meydana Ofir Marsiano, Pedro Amator, İtay Rotman, Migel Vitor, Qay Mizrahi, Eliel Perets, Lukas Ventura, Niv Yehoşuha, Zahi Ahmad, Ceyvon İst və İqor Zlatanoviçdən ibarət heyətlə çıxacaq.
Baş məşqçi: Ran Kojux.
“Sabah”ın start heyətində isə Stas Pokatilov, Stiv Solve, Rəhman Daşdəmirov, Timoteuş Puxaç, Akim Zedadka, İvan Lepinitsa, Umarali Raxmonaliyev, Aleksey İsayev, Velko Simiç, Ksander Severina və Coy-Lens Mikels yer alacaq.
Baş məşqçi: Valdas Dambrauskas.
Qeyd edək ki, Tofiq Bəhramov adına Respublika stadionunda oynanılacaq qarşılaşmanın start fiti saat 20:45-də səslənəcək. Tərəflər arasında ilk görüşdə “Hapoel” 2:1 hesabı ilə qalib gəlib.
