BAKI, AzerVoice, Nailə Babazadə
Trendyol Super Liqasının 14-cü turundakı derbidə Fənərbaxça ilə Qalatasaray üz-üzə gələcək.
AzerVoice xəbər verir ki, Çobani Stadionunda keçiriləcək və saat 21:00-da başlayacaq qarşılaşmanı hakim Yasin Kol idarə edəcək. Müsabiqədə Kola köməkçilər kimi Abdullah Bora Özkara və Bahtiyar Birinci çıxış edəcəklər.
Ev sahibi Fənərbaxça, 4-ü Avropada olmaqla son 11 rəsmi matçında məğlubiyyət yaşamayıb. Liqada məğlubiyyətsiz yeganə komanda olan sarı-mavililər, bu turnirdə keçirdiyi son 5 oyunu qazanaraq önəmli bir seriya əldə edib. Baş məşqçi Domeniko Tedesko rəhbərliyindəki Fənərbaxça, həftəyə Qalatasaraydan 1 xal geridə, 31 xalla 2-ci sırada daxil olub.
Sarı-mavililər azarkeşləri qarşısında qalib gəldiyi təqdirdə həftəni lider olaraq tamamlayacaq.
Super Liqada geridə qalan 13 qarşılaşmada 10 qələbə, 2 heç-heçə və 1 məğlubiyyət yaşayan sarı-qırmızılı komanda 32 xal toplayıb. Qalatasaray həftəyə ən yaxın izləyicisi Fənərbaxçanın 1 xal önündə lider kimi başlayıb. Okan Burukun yetirmələri lider olaraq gedəcəyi Kadıköy səfərindən mövqelərini qoruyaraq qayıtmaq üçün mübarizə aparacaq.
