BAKI, AzerVoice

Omanın xarici işlər naziri Bədr əl-Busaidi Qəzzada Fələstin xalqına qarşı baş verənləri soyqırım adlandıraraq İsrailin Qəzzada həyata keçirdiyi hərbi əməliyyatları pisləyib.

AzerVoice xəbər verir ki, bu barədə əl-Busaidi "Tehran Dialoq Forumu"nda çıxış edərkən bildirib.

“Əgər dialoq imkanlarından vaxtında istifadə olunsaydı, bu cinayətlərin qarşısını almaq mümkün olardı. Son onilliklər ərzində müşahidə etdiyimiz problemlərdən biri də ondan ibarət olub ki, bəzi şəxslər danışıqlarda vasitəçi ola biləcək halda, fələstinlilər üçün yerinə yetirilməsi mümkün olmayan şərtlər irəli sürüblər. Bu isə sülh səylərinin puça çıxmasına səbəb olub. Amma ümidlər hələ də mövcuddur” - deyə, o qeyd edib.

Əl-Busəidi İsraili ittiham edərək bildirib ki, Təl-Əviv bir tərəfdən danışıqlardan diqqəti yayındırmaq, digər tərəfdən isə müxtəlif cəbhələrdə gərginliyi artırmaq niyyətindədir.

“Dialoq aparmaq asan deyil, bu səbəbdən də bəzi şəxslərin bundan yayınması başadüşüləndir” - deyə, nazir vurğulayıb.