BAKI, AzerVoice
Cari ilin iyul ayında çatdırılacaq "Brent" markalı neftin fyuçerslərinin qiyməti Londonun ICE birjasında aprelin 9-dan bəri ilk dəfə olaraq bir barel üçün 61 dollardan aşağı düşüb.
AzerVoice xəbər verir ki, bu barədə ticarət məlumatları göstərir.
Bakı vaxtı ilə saat 19:53-ə olan məlumata əsasən, "Brent" neftinin qiyməti 4,87 faiz azalaraq bir barel üçün 60,93 dollar təşkil edib.
Saat 20:11-ə olan vəziyyətə görə isə, "Brent" neftinin fyuçersi enişi bir qədər zəiflədərək 61,31 dollar təşkil edib. Eyni vaxtda, bu ilin iyun ayı üçün "WTI" markalı neftin fyuçers qiyməti isə 2,01 faiz azalaraq 58,52 dollar olub.
Qeyd edək ki, daha əvvəl Brent fyuçerslərinin qiyməti 62 dollar həddindən aşağı düşmüşdü.
