BAKI, AzerVoice
Londonun ICE birjasında cari ilin sentyabr ayı üçün tədarükü nəzərdə tutulan "Brent" markalı neftin fyuçerslərinin qiyməti 69,69 dollara çatıb.
AzerVoice xəbər verir ki, bu barədə ticarət məlumatları göstərir.
Belə ki, Bakı vaxtı ilə saat 18:01-də "Brent" markalı neftin fyuçerslərinin qiyməti 1,05 dollar və ya 1,53 faiz artaraq bir barel üçün 69,69 dollara çatıb.
Eyni zamanda, Nyu-York NYMEX birjasında avqust ayı üzrə WTI markalı neftin fyuçersləri 1,1 dollar və ya 1,65 faiz bahalaşaraq 67,67 dollar olub.
Qeyd edək ki, cümə axşamı "Brent" markalı neftin qiyməti 2,2 faiz, WTI-nin qiyməti isə 2,7 faiz ucuzlaşmışdı. Bu, ABŞ prezidenti Donald Trampın xüsusi ticarət sazişi olmayan əksər ticarət tərəfdaşlarına qarşı 15–20 faizlik ümumi idxal rüsumu tətbiq etməyi planlaşdırdığına dair bəyanatından sonra baş vermişdi. Tramp xüsusilə Kanadaya qarşı 35 faizlik rüsum tətbiq etməyi nəzərdə tutur.
