BAKI, AzerVoice
İstanbulun fəthi gənc hökmdara sonsuz bir güc və nüfuz qazandırdı. Fəthdən əvvəl ciddi daxili qarışıqlıqlarla üzləşən Osmanlı İmperiyası, bu zəfərin gətirdiyi böyük prestij sayəsində həm İslam dünyasının ən parlaq dövləti statusunu qazandı, həm də düşmənləri üzərində psixoloji bir üstünlük yaratdı.
Fatih, fəthdən dərhal sonra hakimiyyətini məhdudlaşdıran Çandarlı Halil Paşanı vəzifədən azad etdi və bir müddət sonra onu öldürtdü. Eyni şəkildə, hökmdarlığı üçün təhdid olaraq gördüyü Orxan Çələbi də fəth zamanı aradan qaldırıldı.
Fatihin veziriazamlarının (baş vəzirlərinin) sonuncusu istisna olmaqla, hamısı qapıqulu mənşəli, yəni devşirmə idi. Bu yolla hökmdar, Türk əsilli aristokrat ailələrin dövlət içindəki nüfuzunu zəiflətmiş oldu. Lakin dövlətin bütün idarəsi yalnız devşirmələrə həvalə edilməmişdi – dini, inzibati və maliyyə idarəçiliyi əsasən Türk mənşəlilərdən ibarət bürokratiya tərəfindən həyata keçirilirdi.
Beləliklə, qapıquluları ilə türklər arasında balans yaradıldı və dövlət idarəsində yeganə qərarverici güc olaraq padşah hakimiyyəti möhkəmləndirildi.
