BAKI, VOA
ABŞ Prezidenti Franklin Ruzvelt 1935-ci il avqustun 14-də ölkənin sosial müdafiə sisteminin əsasını qoyan Sosial Təminat Aktını imzalayıb.
Akt Böyük Depressiya dövründə işsiz və yaşlı vətəndaşlara gəlir təmin etməyi nəzərdə tutub. Qanun Ruzveltin həyata keçirdiyi “Yeni Kurs” proqramının mühüm hissələrindən biri olub.
Sosial Təminat sistemi sonrakı illərdə əsasən təqaüdçülər və əlillər üçün sosial təminat mexanizminə çevrilib, həmçinin vergi ödəyicilərinin himayəsində olan şəxslərə ölüm müavinətləri təqdim edib.
