Bakı, AzerVoice

Özünəinam insanın öz qabiliyyətlərinə və qərarlarına inanmasıdır. İnsan özünə güvəndikdə daha cəsarətli addımlar atır, çətinliklərin öhdəsindən gəlmək qabiliyyətini artırır, ictimai münasibətlərdə daha fəal olur.

Özgüvən əksikliyi fərdin özünə inamının zəif olması deməkdir. Bu çatışmazlıq özünü aşağıdakı kimi göstərir:

Etibarsızlıq: Fərd öz qərarlarına şübhə edir və öz qabiliyyətlərinə inanmır.

Sosial Utancaqlıq: Sosial mühitlərdə özünü narahat hiss edir, insanlarla ünsiyyət qurmaqda çətinlik çəkir.

Uğur qorxusu: Bəxtinin gətirməyəcəyini düşünür və ya uğursuzluq qorxusundan risk almaqdan qaçır.

Həddindən artıq özünü tənqid : Fərd həmişə özünü əksik hiss edir və uğurlarının əhəmiyyətsiz olduğunu düşünür.

Özünə inamın olmaması zamanla insanın həyat keyfiyyətini aşağı salır. Bu vəziyyəti aradan qaldırmaq üçün fərdi inkişaf səyləri, müsbət düşünmək, məqsəd qoymaq və peşəkar psixoloji dəstək almaq lazımdır.