BAKI,VOA, Nailə Babazadə
İranın rəsmi "Fars" xəbər agentliyinin yaydığı məlumata əsasən, İsrailin Livana qarşı həyata keçirdiyi genişmiqyaslı hücumlar fonunda Hörmüz boğazında gərginlik pik həddə çatıb.
VOA xəbər verir ki, agentlik bildirir ki, yaranmış təhlükəsizlik riskləri səbəbindən neft tankerlərinin boğazdan keçişi tamamilə dayandırılıb.
Dünya neft tədarükünün təxminən 20 faizinin keçdiyi bu strateji su yolunun bağlanması qlobal enerji bazarlarında ciddi narahatlıq yaradıb. Bu addım İsrail ordusunun Livanda 100-ə yaxın nöqtəyə eyni vaxtda zərbələr endirməsi və BMT sülhməramlılarının hədəf alınması ilə bağlı beynəlxalq gərginliyin artdığı bir vaxta təsadüf edir. Ekspertlər xəbərdarlıq edirlər ki, Hörmüz boğazındakı bu durğunluq enerji qiymətlərinin kəskin artmasına və tədarük zəncirində qlobal böhrana səbəb ola bilər.
