BAKI,VOA, Fərid Mikayılov

İran Silahlı Qüvvələrinin sözçülüyü Hörmüz boğazınun yenidən bağlandığını açıqlayıb.

VOA xəbər verir ki, ABŞ İranla əlaqəli gəmilərin tam hərəkət azadlığını təmin etməyənə qədər boğazda ciddi nəzarət rejimi davam etdiriləcək.

Açıqlamaya əsasən, Hörmüz boğazı yenidən İran Silahlı Qüvvələrinin “sərt idarəetmə və nəzarəti” altına keçib və bölgə tam hərbi nəzarətdə saxlanılır.

İran tərəfi daha əvvəl aparılan danışıqlar nəticəsində müəyyən sayda neft tankeri və ticarət gəmilərinin məhdud keçidinə icazə verildiyini xatırladıb. Lakin ABŞ-ın öhdəliklərini yerinə yetirmədiyi iddia olunub.

Bildirilib ki, Vaşinqtonun “blokada və dənizdə qanunsuz fəaliyyət” siyasəti səbəbindən əvvəlki yumşalma qərarları ləğv edilib və sərt nəzarət rejimi bərpa olunub.