BAKI,VOA, Fərid Mikayılov

İran Hörmüz boğazında Cənubi Koreyaya məxsus gəmidə baş verən partlayış və yanğınla bağlı ittihamları qətiyyətlə rədd edib.

VOA xəbər verir ki, İranın Seuldakı səfirliyinin yaydığı bəyanatda bildirilib ki, İran Silahlı Qüvvələrinin hadisədə iştirakı ilə bağlı iddialar tamamilə əsassızdır.

Cənubi Koreya Xarici İşlər Nazirliyi isə açıqlayıb ki, partlayış və yanğının səbəbi gəmi limana çatdırıldıqdan sonra müəyyən ediləcək.

Bundan əvvəl ABŞ Prezidenti Donald Tramp “Truth Social” platformasında İranın boğazda Cənubi Koreyaya aid yük gəmisinə atəş açdığını iddia etmişdi.

İran səfirliyi, həmçinin ABŞ və İsrailin addımlarını “aqressiv hərəkətlər” adlandıraraq, Hörmüz boğazının İran üçün “müdafiə coğrafiyasının” mühüm hissəsinə çevrildiyini bildirib.

Bəyanatda qeyd olunub ki, bölgədə artan gərginlik səbəbindən strateji su yolunda təhlükəsizlik protokolları dəyişdirilib.