BAKI,VOA Yusif Şərifzadə
Küveyt hakimiyyəti İran İnqilabı Keşikçiləri Korpusunun üzvlərinin ölkəyə qanunsuz daxil olmağa cəhd göstərdiyi iddiası fonunda Tehranla diplomatik etiraz proseduruna başlayıb.
VOA xəbər verir ki, Küveyt Xarici İşlər Nazirliyi ölkədə fəaliyyət göstərən İran səfiri Məhəmməd Tutunciyə rəsmi etiraz notası təqdim edib. Nazirlik bunun səbəbi kimi silahlı şəxslərdən ibarət qrupun dəniz yolu ilə Küveyt ərazisinə daxil olmağa çalışmasını göstərib.
Küveyt xarici işlər nazirinin müavini Həmd Süleyman əl-Maşaan İranın bu addımını “düşmənçilik xarakterli fəaliyyət” kimi qiymətləndirərək kəskin şəkildə pisləyib. O, Tehrandan bu cür fəaliyyətlərə dərhal və qeyd-şərtsiz son qoymağı tələb edib.
Nazirliyin bəyanatında hadisənin Küveytin suverenliyi və milli təhlükəsizliyinə qarşı “açıq pozuntu” olduğu vurğulanıb. Rəsmi Bakı ilə yanaşı Körfəz regionunda da gərginliyin artdığı bir vaxtda baş verən hadisənin beynəlxalq hüquq və BMT Nizamnaməsinə zidd olduğu qeyd edilib.
Küveyt Daxili İşlər Nazirliyinin məlumatına görə, təhlükəsizlik qüvvələri ilə baş verən qarşıdurma zamanı bir təhlükəsizlik əməkdaşı yaralanıb. Şübhəlilərdən ikisinin isə hadisə yerindən qaçdığı bildirilir.
