BAKI,VOA Yusif Şərifzadə
ABŞ Maliyyə naziri Scott Bessent bildirib ki, ABŞ-ın İran limanlarına qarşı bir ay davam edən blokadası “böyük uğurla nəticələnib” və İran hökumətinə ciddi təzyiq göstərir.
VOA xəbər verir ki, ABŞ-ın CNBC telekanalına verdiyi müsahibədə Bessent, İran rəhbərliyi ilə mübarizənin ən yaxşı yolunun “onları iqtisadi baxımdan sıxışdırmaq” olduğunu qeyd edib. O əlavə edib ki, “Heç bir gəmi ölkədən çıxmır və heç biri daxil olmur. Buna görə də onlar dənizdə neft ehtiyatlarını saxlaya bilmirlər və nəticədə hasilatı azaltmağa başlamaq məcburiyyətində qalacaqlar.”
Bessent, həmçinin, İranın vəziyyətinin həddə çatdığını, artıq əsgərlərin maaşlarının ödənilmədiyini və xaricdən silah ehtiyatlarını bərpa edə bilmədiklərini vurğulayıb. O, bununla bağlı olaraq, “Düşünürəm ki, onlar son mərhələyə yaxınlaşıblar” bildirib.
Qeyd edək ki, bu açıqlamalar ABŞ rəsmisinin mövqeyini əks etdirir və iddiaların müstəqil təsdiqi barədə məlumat təqdim olunmayıb.
