İran Avropa ölkələrini Əli Xameneinin dəfn mərasiminə dəvət etməyib

İran Əli Xameneinin dəfn mərasimində iştirak etmək üçün 50-dən çox xarici nümayəndə heyətini qəbul edib. İran rəsmiləri bildirirlər ki, mərasimdə əsasən dost və ya bitərəf ölkələrin nümayəndələri iştirak edirlər. Pakistanın Baş naziri Şahbaz Şərif, Ermənistanın Baş naziri Nikol Paşinyan və Rusiyanı Dmitri Medvedev təmsil edir. Mərasimdə Tacikistan, İraq, Gürcüstan, Türkmənistan və Türkiyədən də yüksək səviyyəli rəsmilər iştirak edirlər. İran Avropa ölkələrinə dəvət göndərmədiyini açıqlayıb. Rəsmi Tehran bunu həmin ölkələrin ABŞ və İsrailin hərbi əməliyyatlarına münasibəti ilə əlaqələndirib. Dəfn mərasimləri Tehranda davam edir.

3 İyul 2026 21:45

BAKI,VOA,Yusif Şərifzadə

İran rəsmiləri bildiriblər ki, ölkənin keçmiş ali rəhbəri Əli Xameneinin dəfn mərasimində indiyədək 50-dən çox xarici nümayəndə heyəti iştirak edib. Eyni zamanda, Avropa ölkələrinə dəvət göndərilmədiyi açıqlanıb.

VOA xəbər verir ki, İran Xarici İşlər Nazirliyinin sözçüsünün açıqlamasına əsasən, indiyədək 50-dən çox xarici nümayəndə heyəti Tehranda Əli Xameneinin dəfn mərasimində iştirak edərək başsağlığı verib.

Mərasimdə Tacikistan Prezidenti, İraq Prezidenti, İraq parlamentinin sədri, Türkmənistan nümayəndə heyəti, Gürcüstan Prezidenti, Pakistanın Baş naziri Şahbaz Şərif, Ermənistanın Baş naziri Nikol Paşinyan, Rusiya Təhlükəsizlik Şurası sədrinin müavini Dmitri Medvedev və Türkiyənin vitse-prezidenti də iştirak ediblər.

İran rəsmilərinin sözlərinə görə, mərasimə əsasən İranla dost münasibətlərə malik və ya bitərəf mövqe tutan ölkələrin nümayəndələri qatılıblar.

Rəsmi Tehran bildirib ki, İsrail və ABŞ-nin İrana qarşı hərbi əməliyyatlarını birbaşa və ya dolayısı ilə dəstəkləyən Avropa ölkələrinə dəvət göndərilməyib.