İran Hindistana məxsus neft tankerinin Oman marşrutundan geri qaytarıldığını bildirib

İranın Fars xəbər agentliyi Hindistana məxsus neft tankerinin Hörmüz boğazında Oman marşrutundan geri qaytarıldığını iddia edib. Məlumata görə, Oman sahilləri boyunca yaradılan müvəqqəti dəhliz Körfəzdə qalan gəmilərin təhlükəsiz hərəkəti üçün nəzərdə tutulub. İran İnqilab Keşikçiləri Korpusu isə həmin marşrutdan istifadə etmək istəyən gəmiləri radio vasitəsilə xəbərdar edərək İranın müəyyən etdiyi dəhlizə yönləndirir. Agentlik bildirir ki, bu gün səhər Hörmüz boğazından keçən bütün gəmilər İranın təsdiqlədiyi marşrutla hərəkət edib. Hörmüz boğazında vəziyyət regionun təhlükəsizliyi və beynəlxalq gəmiçilik baxımından diqqətlə izlənilir. Boğaz dünya enerji tədarükü üçün strateji əhəmiyyət daşıyır. Bölgədə artan gərginlik beynəlxalq dəniz daşımalarına təsir göstərə bilər.

8 İyul 2026 18:17

BAKI,VOA,Yusif Şərifzadə

İranın yarırəsmi Fars xəbər agentliyi Hörmüz boğazında Oman sahilləri boyunca yaradılmış müvəqqəti marşrutdan istifadə etmək istəyən Hindistana məxsus neft tankerinin geri qaytarıldığını iddia edib.

VOA xəbər verir ki, iyunun 24-də Oman və Birləşmiş Millətlər Təşkilatının Beynəlxalq Dəniz Təşkilatı Hörmüz boğazında Oman sahilləri boyunca müvəqqəti dəniz dəhlizinin yaradıldığını elan etmişdi. Məlumata görə, bu marşrut Körfəzdə qalan gəmilərin təhlükəsiz təxliyəsi üçün nəzərdə tutulub və ABŞ-ın nəzarəti altında fəaliyyət göstərir.

Fars agentliyi iddia edib ki, İran İnqilab Keşikçiləri Korpusu radio rabitəsi vasitəsilə Oman marşrutundan istifadə etmək istəyən gəmilərə xəbərdarlıq edərək, onları İranın müəyyən etdiyi dəniz dəhlizindən hərəkət etməyə çağırır.

Agentliyin məlumatına əsasən, gəmi izləmə sistemlərinin məlumatları bu gün səhər saatlarında Hörmüz boğazından keçən bütün gəmilərin İranın təsdiqlədiyi marşrutdan istifadə etdiyini göstərir.