İranın xarici işlər naziri Abbas Əraqçi ölkəsinin ABŞ qüvvələri qarşısında müdafiəsiz olması ilə bağlı iddiaları “uydurma” adlandırıb.
ArabAZ xəbər verir ki, Əraqçi “X” sosial şəbəkəsində paylaşdığı açıqlamada ABŞ hökumətinə aid olduğunu bildirdiyi sənədə istinad edib.
İran XİN rəhbərinin sözlərinə görə, sənəddə ABŞ hərbi hesabatlarına əsasən, İranın regiondakı Amerika hərbi bazalarına zərbələri nəticəsində yüzlərlə bina və digər obyektin zədələndiyi və dağıdıldığı qeyd olunur.
“Bu, sadəcə aysberqin görünən hissəsidir. Vaxtı çatanda hər şeyi açıqlayacağıq”, – Əraqçi bildirib.
İranın xarici işlər naziri bununla ABŞ hərbi obyektlərinə vurulan zərərin indiyədək açıqlanan məlumatlardan daha geniş olduğunu iddia edib.
