BAKI,AzerVoice

Azərbaycan, son illərdə beynəlxalq aləmdəki mövqeyini gücləndirərək önəmli tədbirlərə ev sahibliyi etməyə davam edir. Bu, ölkənin siyasi və iqtisadi gücünü artıran, həmçinin onun regional və qlobal səviyyədəki nüfuzunu möhkəmləndirən vacib addımlardan biridir. Bunu AzerVoice Misir əsilli türkiyəli siyasi araşdırmaçı, Rokaya Çelik deyib.
O qeyd edib ki,Azərbaycan, müxtəlif beynəlxalq təşkilatların toplantılarına və forumlara ev sahibliyi etməklə, yalnız regionda deyil, dünya səhnəsində də önəmli bir oyunçu olduğunu sübut edir.
Ekspertin fikrincə son zamanlar Azərbaycanda keçirilən beynəlxalq tədbirlər, ölkənin diplomatik fəaliyyətinin və xarici siyasətinin nə qədər güclü olduğunu göstərir.
“Azərbaycanın bu sahədəki müvəffəqiyyətləri, xüsusilə enerji resurslarının zənginliyi və strateji coğrafi mövqeyi ilə sıx əlaqəlidir. Həmçinin, bu tədbirlər ölkənin iqtisadiyyatının inkişafına müsbət təsir edir və Azərbaycana yeni investorlar cəlb edir”-deyə o bildirib.
Azərbaycanın bu kimi tədbirlərə ev sahibliyi etməsinin həm də ölkə mədəniyyətini, tarixini və ənənələrini dünya ictimaiyyətinə tanıtmaq imkanı yaratdığını qeyd edən, Çelik onu da bildirib ki, bu, həm də Azərbaycan xalqının beynəlxalq münasibətlərdə daha da tanınmasına, ölkənin diplomatik əlaqələrinin genişlənməsinə səbəb olur.
“Dövlətin xarici siyasətindəki məqsəd, beynəlxalq sülhün və təhlükəsizliyin təmin edilməsinə olan töhfəsini gücləndirməkdir.Azərbaycan, həmçinin özünün enerji və nəqliyyat sektorunda mühüm layihələr həyata keçirərək, dünyanın müxtəlif regionlarına enerji daşıyıcıları göndərən əsas yolların üzərində yerləşir. Bu, ölkənin iqtisadi inkişafı ilə yanaşı, onun dünya iqtisadiyyatında daha əhəmiyyətli bir yer tutmasını təmin edir. Beynəlxalq tədbirlərdə Azərbaycanın iştirakçılığının artması, onun həm də regiondakı və dünyadakı digər ölkələrlə sıx əməkdaşlıq etməsi anlamına gəlir”-deyə o əlavə edib.
Çelik qeyd edib ki, Azərbaycan enerji sahəsində həyata keçirdiyi mühüm layihələrlə beynəlxalq aləmdə əhəmiyyətli mövqeyə malikdir.
Xüsusilə, ölkənin enerji resursları və strateji coğrafi mövqeyi onu Avropa və Asiya arasında enerji körpüsü rolunda qoyur. Azərbaycan, Cənubi Qafqazdan Avropaya təbii qazın və digər enerji daşıyıcılarının tədarükü üçün vacib layihələrə imza atmışdır, o cümlədən TANAP (Trans-Anadolu Təbii Qaz Boru Kəməri) və TAP (Trans-Adriatik Boru Kəməri) layihələri. Bu layihələr Azərbaycanın enerji ixracını artırmaqla yanaşı, həm də regional və qlobal enerji təhlükəsizliyinə mühüm töhfə verir. Azərbaycan eyni zamanda bərpa olunan enerji sahəsində də addımlar atır və bu sahəyə sərmayə qoyaraq enerjinin müxtəlif mənbələrindən istifadəni artırmağı planlaşdırır”-deyə o əlavə edib.