Bakı, AzerVoice
Baku Medica Plaza Babək filialı əsaslı təmirdən sonra fəaliyyətini müasir standartlara uyğun davam etdirir.
Bu barədə AzerVoice-ə Baku Medical Plazadan bildirilib.
Açılış mərasimində xəstəxana rəhbərliyi, tibbi icma nümayəndələri, jurnalistlər iştirak ediblər. Baku Medica Plaza Babək filialının baş həkimi Kamal Quliyev çıxış edərək təmirdən sonra yaradılmış şərait haqqında ətraflı məlumat verib.
O bildirib ki, ölkə Prezidentinin diqqət və qayğısı nəticəsində Azərbaycanda səhiyyə sisteminin inkişafı bu gün ən yüksək standartlar səviyyəsinə yüksəlib. Vətəndaşlarının sağlamlığının təminatı hər zaman dövlət siyasətinin əsas istiqamətlərindən olub.
Əsaslı təmirdən sonra müasir qəbul prosessi, rahatlaşdırılmış müalicə şəraiti, yeni nəsil tibbi avadanlıqlarla təchiz olunmuş klinikanın yenidən müştərilərin sağlamlığını ən yüksək səviyyədə təmin etməyə hazır olduğunu bildirən Kamal Quliyev, həkim və texniki personala gələcək fəaliyyətlərində uğurlar arzulayıb.
Qeyd edək ki, 2011- ci ildən fəaliyyət göstərən Baku Medikal Plazanın Babək filialında əsaslı təmirdən sonra yeni bölmələr, modernizasiya edilmiş otaqlar, müasir tibbi avadanlıqlarla təchiz edilib. Personalın və pasiyentlərin rahatlığı üçün müasir infrastruktur qurulub.
Bugündən Baku Medikal Plazanın Babək filialı genişləndirilmiş xidmət spektri ilə vətəndaşlara daha yüksək səviyyəli xidmət göstərməyə tam hazırdır.
“Sağlamlığınıza doğan günəş” şüarı ilə Baku Medikal Plaza klinikalar şəbəkəsi hər zaman olduğu kimi fasiləsiz və qüsursuz fəaliyyəti ilə xidmətinizdədir.
Hafiz Rufizoğlu
Xəbərlərimizi “WhatsApp” kanalımızdan oxuyun
