Bakı. AzerVoice:
Ərəb Liqası Beynəlxalq Ədalət Məhkəməsində İsrailin işğal olunmuş Fələstin ərazilərindəki tətbiqlərinin hüquqi nəticələrinin müzakirə edildiyi dinləmələrdə İsrailin Fələstin ərazilərini uzun müddət işğal etməsinin beynəlxalq ədalətə təhqir olduğunu bildirib.
AzerVoice-un məlumatına görə, dinləmədə çıxış edən Ərəb Liqasının nümayəndəsi Abdel Hakim Al Rifai, İsrailin Fələstin torpaqlarını işğalının, 21-ci əsrdə hələ də davam edən zalım, ekspansionist, aparteid müstəmləkəçi işğalı olduğunu bildirib.
"Uzun sürən bu işğal beynəlxalq ədalətə xəyanətdir. Buna son qoyulmaması Fələstin xalqına qarşı soyqırım kimi bugünkü dəhşətlərə gətirib çıxarıb. İnsanların didərgin salınmasının, torpaqlarının işğalının mənəvi və hüquqi müdafiəsi yoxdur",- deyə Rifai vurğulayıb.
Ərəb Liqası adından da çıxış edən beynəlxalq hüquqşünas Ralph Wilde, fələstinlilərin öz müqəddəratını təyinetmə hüququnun öz torpaqlarında zorakılıq və istismar yolu ilə sırf yəhudi xalqı üçün bir milli dövlət qurma səylərinin əngəlləndiyini söylədi. əsrdən artıqdır ki, davam edir.
Qeyd edək ki, 26 yanvar tarixində Beynəlxalq Ədalət Məhkəməsi (ICJ) Cənubi Afrika Respublikasının İsrailə qarşı qaldırdığı “soyqırım” işi üzrə müvəqqəti tədbirlər tələbi ilə bağlı qərarını açıqlayıb. Məhkəmə İsrailin mühakimə olunacağını bildirib və İsraildən bir ay ərzində hesabat təqdim etməyi tələb edib.
İsrailin 7 oktyabrdan bəri Qəzza zolağına təşkil etdiyi hücumlarda ən az 12 min 660-ı uşaq, 8 min 570-i qadın olmaqla, 30 min fələstinli həlak olub, 70 min nəfər isə yaralanıb.
Dağıntılar altında hələ də minlərlə ölü olduğu bildirilərkən, insanların sığındığı xəstəxana və təhsil müəssisələri hədəf alınaraq mülki infrastruktur da məhv edilir.
Qəzzada 1,9 milyon fələstinli havadan, qurudan və dənizdən edilən hücumlar səbəbilə didərgin düşüb.
İsrailin maneələri səbəbindən bölgəyə kifayət qədər yardım çatdırıla bilmir. Fələstinlilər bir tərəfdən İsrailin hücumları ilə, digər tərəfdən isə hər gün dərinləşən aclıqla mübarizə aparır.
