Bakı, AzerVoice
İsrailin Xan Yunus bölgəsinə endirdiyi hava zərbəsi nəticəsində 13 fələstinli həlak olub.
AzerVoice xəbər verir ki, bu barədə Qəzza Mülki Müdafiə Birliyi Telegram sosial platformasında açıqlama verib.
Açıqlamada, hücumlarda ölən və yaralanan fələstinlilərin şəhərdəki Nasser xəstəxanasına köçürüldüyü bildirilib.
Qeyd edilib ki, İsrail ordusu mülki əhalini hədəf alaraq beynəlxalq hüququ ciddi şəkildə pozur.
İsrailin 7 oktyabrdan bu yana Qəzza zolağına təşkil etdiyi hücumlarda ən az 16 min 172-si uşaq və 10 min 798-i qadın olmaqla 39 min 324 fələstinli həyatını itirib, 90 min 830 nəfər isə yaralanıb.
Dağıntılar altında hələ də minlərlə ölü olduğu bildirilərkən, insanların sığındığı xəstəxana və təhsil müəssisələri hədəf alınaraq mülki infrastruktur da məhv edilib.
Hafiz Rufizoğlu
