Bakı, AzerVoice
İsrail, Livan və İordaniyada artan münaqişələr beynəlxalq aviaşirkətlərin uçuşlarını ləğv etməsinə səbəb olub. Hava nəqliyyatında yaranan fasilələr bölgədəki turizmə də mənfi təsir göstərib.
AzerVoice xəbər verir ki, Yaxın Şərq regionunda artan təhlükə ilə əlaqədər onlarla aviaşirkət avqustun 25-də İsrail, Livan və İordaniyaya uçuşları ləğv etdiklərini bildirib.
Ben Qurion hava limanının internet saytının həddindən artıq yüklənmə səbəbindən çökdüyünü yazan “Yedioth Ahronoth” qəzeti, hava limanında 50 reysində ləğv edildiyini bildirib.
Başqa bir İsrail nəşri olan Calcalist qəzeti də bazar ertəsi günü İsrail hava sahəsininin 1 saat 40 dəqiqə müddətində bağlandığını bildirib. Həmçinin yazıda hava sahəsinin bağlanmasından dolayı uçuş cədvəlində xaos yarandığı bildirilib.
Uçuş cədvəlini qaydaya salmaq çalışdıqlarını bildirən Ben Qurion hava limanının direktoru Udi Bar Oz, sərnişinləri uçuş vaxtlarını təsdiqləmək üçün hava yolları ilə əlaqə saxlamağa çağırıb.
Ofakim Turizm şirkətinin CEO-su Revital Ben-Natan uçuşların dayandırılması ilə bağlı verdiyi açıqlamada uçuşlardakı bu nizamsızlığın turizmə ciddi ziyan vurduğunu bildirib.
