BAKI, AzerVoice

İsrailшт Qəzza zolağında həyata keçirdiyi hücumlarda son 24 saat ərzində 88 fələstinli həlak olub.

AzerVoice xəbər verir ki, bu barədə Fələstin Səhiyyə Nazirliyi məlumat yayıb.

Bildirilib ki, son 24 saat ərzində, əsasən qadın və uşaqlardan ibarət olan 88 fələstinli ölüb, 365 nəfər isə yaralanıb.

Nazirlik əlavə edib ki, 2023-cü il oktyabrın 7-dən bəri Qəzzada İsrailin həyata keçirdiyi hücumlar nəticəsində ölənlərin ümumi sayı 56 500-ə, yaralananların sayı isə 133 419-a çatıb.

İsrailin martın 18-də atəşkəsi pozaraq Qəzzəyə yenidən başladığı hücumlar çərçivəsində isə bu günə qədər 6 175 nəfərin öldüyü, 21 378 nəfərin yaralandığı qeyd olunub.

Humanitar təşkilatlar, aclıq riski altındakı körpələrin həyatda qalması üçün təcili yardıma ehtiyac olduğunu vurğulayıb.