BAKI,AzerVoice, Nailə Babazadə
İsrailin xarici işlər naziri Gideon Saar Şərqi Afrikada yerləşən Somalilanda səfər edib. Yerli mənbələrin verdiyi məlumata görə, nazir çərşənbə axşamı günü bölgənin yarı-müstəqil administrasiyasının prezidenti ilə görüşəcək.
AzerVoice xəbər verir ki, səfər barədə məlumatlı digər mənbə də nazirin Somalilandda olduğunu təsdiqləyib, lakin əlavə təfərrüat paylaşmayıb. İsrail Xarici İşlər Nazirliyi isə nazirin səfəri ilə bağlı dərhal açıqlama verməyib.
Bu səfər İsrailin özünü müstəqil elan etmiş Somaliland Respublikasını suveren dövlət kimi rəsmi tanımasından 10 gün sonra baş tutur. Qeyd olunur ki, bu addım Somali tərəfindən tənqid edilib, çünki Somali uzun illərdir Somalilandın ayrılma təşəbbüsünə qarşı çıxır.
