BAKI,VOA, Fərid Mikayılov

İranın yeni raket hücumu həyata keçirdiyi barədə məlumatlardan sonra İsrailin Tel-Əviv və Qüds şəhərlərində ardıcıl partlayış səsləri eşidilib.

VOA xəbər verir ki, İsrail ordusunun açıqlamasında bildirilib ki, İran tərəfindən atıldığı müəyyən edilən raketlərin qarşısını almaq üçün hava müdafiə sistemləri aktivləşdirilib.

Rəsmi xəbərdarlıqlara əsasən, mümkün hücum riski olan ərazilərdə yaşayan sakinlərin mobil telefonlarına xəbərdarlıq mesajları göndərilib və onlara sığınacaqlara enmələri tövsiyə olunub.

Məlumatlara görə, önləyici raketlərin işə salınmasından sonra Tel-Əviv ətrafında, Şərqi Qüdsdə və ölkənin cənubundakı Aşdod şəhərində güclü partlayış səsləri qeydə alınıb.

İsrailin təcili yardım xidməti “Qırmızı Davud Ulduzu”nun açıqlamasına görə, ilkin məlumatlara əsasən hücum nəticəsində ölən və yaralanan yoxdur.

Hadisə ilə bağlı əlavə məlumatların açıqlanacağı gözlənilir.