BAKI,VOA, Fərid Mikayılov

Birləşmiş Ərəb Əmirlikləri OPEC və OPEC+ formatından çıxdığını bəyan edib. Bu addım enerji ixrac edən ölkələr blokuna ciddi təsir kimi qiymətləndirilir.

VOA xəbər verir ki, qərar regionda artan təhlükəsizlik riskləri və xüsusilə Hörmüz boğazı ətrafında yaranan gərginlik fonunda qəbul olunub.

Bildirilir ki, körfəz ölkələri neft ixracında çətinliklərlə üzləşir və bu vəziyyət qlobal enerji bazarına da təsir göstərir.

Bildirilib ki, BƏƏ müharibə dövründə İran tərəfindən həyata keçirilən hücumlara qarşı region ölkələrinin yetərli dəstək göstərməməsindən narazı qalıb. Bu amilin qərarın verilməsində rol oynadığı qeyd olunur.

Ekspertlər hesab edir ki, bu addım OPEC-in qeyri-rəsmi lideri olan Səudiyyə Ərəbistanı üçün ciddi geosiyasi və iqtisadi çağırış yaradır.

Qeyd edək ki, 1960-cı ildə yaradılmış OPEC dünya neft təchizatının üçdə birindən çoxunu təmin edən ən təsirli enerji təşkilatlarından biridir.