BAKI,VOA Nailə Babazadə
BMT-nin Ərzaq və Kənd Təsərrüfatı Təşkilatı (FAO), Ümumdünya Ərzaq Proqramı (WFP) və Livanın Kənd Təsərrüfatı Nazirliyinin birgə bəyanatına görə, 2026-cı ilin aprel-avqust ayları arasında Livanda təxminən 1,24 milyon insanın kəskin qida təhlükəsizliyi ilə üzləşəcəyi gözlənilir.
VOA xəbər verir ki, bu rəqəm analiz edilən əhalinin təxminən 25 faizini təşkil edir.
Müharibədən əvvəl (2026-cı ilin mart ayı) aclıq çəkən insanların sayı 874 min nəfər idisə, münaqişə nəticəsində bu göstəricidə ciddi pisləşmə qeydə alınıb. Vəziyyətin bu həddə çatmasına səbəb kimi hərbi münaqişə, kütləvi köçkünlük və iqtisadi təzyiqlər göstərilir. Aprelin 17-dən bəri atəşkəs elan olunsa da, 2500-dən çox insanın ölümünə və bir milyondan çox insanın didərgin düşməsinə səbəb olan 6 həftəlik müharibənin fəsadları hələ də davam edir. Beynəlxalq qurumlar xəbərdarlıq edir ki, davamlı humanitar yardım olmasa, aclıq böhranı daha da dərinləşəcək.
