Livan Prezidentinin İsraillə bağlı mövqeyi “Hizbullah”ın etirazına səbəb olub
“Hizbullah”ın parlament qrupu Livan Prezidenti Cozef Aunun İsraillə düşmənçiliyə son qoymaq istiqamətindəki təşəbbüsünü tənqid edib. Təşkilat prezidentin yanaşmasının Livanın Milli Paktını nəzərə almadığını bildirir. “Hizbullah”ın baş katibi Nəim Qasım daha əvvəl İsraillə birbaşa danışıqları rədd edib. Livan rəhbərliyi isə dövlət hakimiyyətini ölkənin bütün ərazisində təmin etmək niyyətində olduğunu açıqlayıb. Hakimiyyət “Hizbullah”ı silahlarını təhvil verməyə çağırıb. Bununla belə, təşkilatın tərksilah edilməsi istiqamətində indiyədək birbaşa addım atılmayıb. İsraillə münasibətlərin gələcəyi Livanın daxili siyasətində mühüm fikir ayrılığı olaraq qalır. Son açıqlamalar bu məsələdə prezidentlə “Hizbullah” arasındakı mövqe fərqini yenidən gündəmə gətirib.
İsrailin artilleriya zərbəsi Livanın cənubundakı kəndi hədəfə alıb
İsrail ordusunun Livanın cənubundakı Kfar Şuba kəndinə artilleriya zərbəsi endirdiyi bildirilib. Hadisə Nəbatiyyə bölgəsində baş verib. Eyni ərazidə daha əvvəl də artilleriya atəşləri qeydə alınıb. İsrailin atəşkəs razılaşmasına baxmayaraq Livana qarşı hücumlarını davam etdirdiyi qeyd olunur. Zərbə Livan-İsrail danışıqları ərəfəsində baş verib. Livan Səhiyyə Nazirliyi martın 2-dən bu yana 4 min 300-dən çox insanın öldüyünü açıqlayıb. Bölgədə humanitar vəziyyət və təhlükəsizlik narahatlıqları davam edir.
Livan prezidenti yeni atəşkəs sazişini ölkə üçün son şans adlandırdı
Yaxın Şərqdə gərginliyin azaldılması istiqamətində fəallıq artdığı bir vaxtda Livan Prezidenti Cozef Aun regional münaqişənin nizamlanması və planlaşdırılan yeni atəşkəs sazişinin pərdəarxası məqamları ilə bağlı olduqca kritik bəyanatlar səsləndirib.
İsrailin atəşkəs müddətində Livana hücumları nəticəsində ölənlərin sayı artıb
İsrail ordusunun 17 apreldə qüvvəyə minən atəşkəs razılaşmasına baxmayaraq, Livanın cənubundakı müxtəlif yaşayış məntəqələrinə təşkil etdiyi şiddətli hücumlarda həlak olanların sayı 15-ə çatıb. Livanın rəsmi NNA agentliyinin məlumatına görə, İsrail ordusunun gün ərzində həyata keçirdiyi hava zərbələri nəticəsində ciddi itkilər qeydə alınıb. Livan Səhiyyə Nazirliyi bildirib ki, günortadan əvvəl Cebşit, Tulin və Haruf qəsəbələrinə təşkil edilən hücumlarda 2-si uşaq olmaqla 9 nəfər həyatını itirib, 23 nəfər isə yaralanıb.
İsrailin Livanın cənubuna hücumları nəticəsində daha beş nəfər həlak olub
İsrail ordusunun 17 apreldə qüvvəyə minən və ABŞ Prezidenti Donald Trampın vasitəçiliyi ilə müddəti uzadılan atəşkəs razılaşmasına baxmayaraq, Livanın cənubuna təşkil etdiyi hava hücumları nəticəsində mülki itkilər qeydə alınıb. Livanın rəsmi xəbər agentliyi NNA-nın məlumatına görə, İsrail hərbi aviasiyası ölkənin cənubunda yerləşən Sur şəhərinin Hinniyə qəsəbəsini hədəf alıb.
Livanda 1,2 milyondan çox insan kəskin aclıqla üz-üzədir - BMT
BMT-nin Ərzaq və Kənd Təsərrüfatı Təşkilatı (FAO), Ümumdünya Ərzaq Proqramı (WFP) və Livanın Kənd Təsərrüfatı Nazirliyinin birgə bəyanatına görə, 2026-cı ilin aprel-avqust ayları arasında Livanda təxminən 1,24 milyon insanın kəskin qida təhlükəsizliyi ilə üzləşəcəyi gözlənilir. Bu rəqəm analiz edilən əhalinin təxminən 25%-ni təşkil edir.
Livanda İsrail hücumları nəticəsində ölənlərin sayı 2 min 534 nəfərə çatdı
Livan Səhiyyə Nazirliyinin təqdim etdiyi son rəsmi məlumatlara görə, İsrail ordusunun 2 mart tarixindən bəri davam edən intensiv hücumları nəticəsində ölənlərin sayı 2 min 534 nəfərə çatıb, yaralıların sayı isə 7 min 863-ə yüksəlib. Hücumlar nəticəsində ölkənin səhiyyə infrastrukturuna da ciddi ziyan dəyib; belə ki, 16 xəstəxana zərər görüb və 100 tibb işçisi həyatını itirib.
Livanda atəşkəs gərginliyi: İsrail zərbələri nəticəsində 4 nəfər həlak olub
Livanın rəsmi xəbər agentliyinin yaydığı son məlumata görə, şənbə günü İsrail ordusunun ölkənin cənubuna endirdiyi hava zərbələri nəticəsində dörd nəfər həyatını itirib. Eyni zamanda, İsrail hərbçiləri Hizbullahın ölkənin şimalına raket zərbələri endirdiyini bildirib ki, bu da bu yaxınlarda müddəti uzadılmış kövrək atəşkəs rejimi üçün növbəti ciddi sınaq kimi qiymətləndirilir.
Netanyahu Hizbullahı sülh cəhdlərini "sabotaj etməkdə" ittiham etdi
İsrailin Baş naziri Benyamin Netanyahu cümə günü Hizbullahı Livanla sülh razılaşmasının əldə olunması istiqamətindəki səyləri "sabotaj etməyə" çalışmaqda günahlandırıb. Livanla atəşkəs müqaviləsinin müddəti uzadıldıqdan sonra verdiyi ilk açıqlamada Netanyahu bildirib: "Biz İsrail və Livan arasında tarixi sülhə nail olmaq üçün bir proses başlatmışıq və Hizbullahın bunu sabotaj etməyə çalışdığı bizə aydındır".
Vaşinqtonda Livan və İsrail arasında həlledici danışıqların ikinci raundu keçirilir
Amerika Birləşmiş Ştatlarının vasitəçiliyi ilə Beyrut və Tel-Əviv nümayəndələri arasında bu gün keçiriləcək ikinci raund hazırlıq görüşləri İsrail ordusunun Livandakı hərbi fəaliyyətlərinin kölgəsində reallaşacaq. Aprelin on yeddisində qüvvəyə minən on günlük müvəqqəti atəşkəsin başa çatmasına sayılı günlər kala baş tutacaq bu görüş regionda gərginliyin azaldılması baxımından böyük əhəmiyyət kəsb edir.
Livan İsrail ilə danışıqlarda atəşkəsin uzadılmasını və dağıntıların dayandırılmasını tələb edəcək
Livan Prezidenti Cozef Aun ölkəsinin sabah ABŞ-ın paytaxtı Vaşinqtonda İsrail ilə keçirəcəyi görüşün əsas hədəflərini açıqlayıb. Prezident bildirib ki danışıqlar zamanı atəşkəs müddətinin uzadılması və İsrail ordusunun Livanın cənubundakı yaşayış məntəqələrində həyata keçirdiyi dağıntıların dərhal dayandırılması tələb olunacaq.
Makron və Nəvaf Salam Parisdə Livanın gələcəyini müzakirə edəcəklər
Fransa Prezidenti Emmanuel Makron bu gün Parisdə Livanın Baş naziri Nəvaf Salam ilə görüşəcək. Yelisey sarayından verilən məlumata görə Fransa lideri görüş zamanı Livandakı atəşkəs rejiminə tam sadiqliyini və ölkənin ərazi bütövlüyünə dəstəyini bir daha təsdiqləyəcək. Pakistan isə ABŞ və İran arasında atəşkəs müddətinin çərşənbə günü başa çatması ərəfəsində yeni danışıqlar raunduna ev sahibliyi etməyə hazırlaşır.
