BAKI,VOA,Yusif Şərifzadə
İran parlamentinin milli təhlükəsizlik və xarici siyasət komitəsinin sədri İbrahim Əzizi ABŞ tərəfindən dəstəklənən və Hörmüz boğazı ilə bağlı qəbul edilən qətnaməyə dəstək verən region ölkələrinə sərt xəbərdarlıq edib.
VOA xəbər verir ki, iranlı deputat xüsusilə Bəhreynin adını çəkərək Vaşinqtonun mövqeyini dəstəkləməyin “ağır nəticələrə” səbəb ola biləcəyini bildirib.
İbrahim Əzizi “X” platformasında yayımladığı paylaşımda qeyd edib ki, ABŞ tərəfindən dəstəklənən qətnaməyə qoşulan hökumətlər regionda təhlükəli vəziyyətlə üzləşə bilərlər.
“Hörmüz boğazının qapılarını öz üzünüzə əbədi bağlamayın”, – deyə o vurğulayıb.
Məlumata görə, açıqlamada əsas diqqət strateji əhəmiyyətə malik Hörmüz boğazı ətrafında artan gərginliyə yönəldilib.
