BAKI,VOA, Fərid Mikayılov

İsrailin oktyabr 2023-dən etibarən Qəzzaya etdiyi hücumlar nəticəsində ümumilikdə 72 min 742 nəfər ölüb, yaralıların sayı isə 172 min 565-ə çatıb.

VOA xəbər verir ki, Fələstin Səhiyyə Nazirliyinin verdiyi məlumatda, son 24 saat ərzində Qəzza xəstəxanalarına 2 ölü və 10 yaralı gətirildiyi bildirilib.

Atəşkəsə baxmayaraq, İsrail ordusu Qəzza Zolağını hədəf almağa davam edir. 10 oktyabr 2025-ci ildən qüvvəyə minən atəşkəsdən sonra İsrailin hücumlarında 856 nəfər ölüb, 2 min 463 nəfər yaralanıb, 770 nəfərin cansız bədəni isə dağıntılar altından çıxarılıb.

İsrail hərbçiləri, işğal altındakı Şərqi Qüdsün şimalında yerləşən er-Ram kəndində Ayrım Divarının yaxınlığında atəş açıb. Nəticədə, bir Fələstinli həyatını itirib.