BAKI,VOA,Yusif Şərifzadə
Birləşmiş Ərəb Əmirlikləri (BƏƏ) dron hücumundan bir neçə gün sonra İraqın öz ərazisindən qaynaqlanan düşmən fəaliyyətlərinin qarşısının alınmasının vacibliyini vurğulayıb.
VOA xəbər verir ki, BƏƏ Xarici İşlər Nazirliyinin yaydığı bəyanatda İraq Respublikasının hökumətinə öhdəlik götürərək bütün düşmən xarakterli fəaliyyətlərin təcili və şərtsiz qarşısını almağın vacibliyi qeyd edilib. Nazirlik əlavə edib ki, belə təhdidlərin beynəlxalq və regional qanunlar, eləcə də konvensiyalara uyğun şəkildə operativ, dərhal və məsuliyyətli formada aradan qaldırılması zəruridir.
Bəyanatda həmçinin İraqın regionda təhlükəsizlik və sabitliyin möhkəmləndirilməsində fəal rol oynamasının, ölkənin suverenliyinin qorunmasına və regional mühitdə məsuliyyətli tərəfdaş mövqeyinin gücləndirilməsinə xidmət etdiyi vurğulanıb.
