BAKI,VOA,Yusif Şərifzadə
ABŞ-ın İsraildəki səfiri Mayk Həkəbi ifrat sağçı milli təhlükəsizlik naziri İtamar Ben-Qvirin insan haqları fəallarının əlləri bağlı, alçaldılmış və pis rəftara məruz qaldığını göstərən görüntüləri paylaşmasına görə tənqid edib. Hakabi bildirib ki, Ben-Qvir bu addımı ilə “öz ölkəsinin ləyaqətinə xəyanət edib”.
VOA xəbər verir ki, ABŞ səfiri eyni zamanda Qəzzaya doğru hərəkət edən flotiliyanı “axmaq şou” adlandırıb. Lakin Həkəbinin Ben-Qvirin yalnız videonun yayılması, yoxsa hərəkətlərin özü ilə bağlı tənqidi qəti şəkildə müəyyənləşməyib. Həmin görüntülər beynəlxalq ictimaiyyət tərəfindən ciddi etirazlara səbəb olub.
Həkəbi Sionist xristian mövqeyi ilə tanınır və İsrailə güclü dəstəyi ilə seçilir. O, Qəzzadakı müharibəni, işğal altındakı İordan çayının qərb sahilində yəhudi məskunlaşmalarını və İsrailin İrana qarşı siyasətini açıq şəkildə müdafiə edən fiqurlardan biri sayılır.
