BAKI,VOA,Yusif Şərifzadə
Livan ərazisində davam edən hücumlarla bağlı insan itkilərinin sayı artmaqda davam edir. Livan Səhiyyə Nazirliyi ölən və yaralananlarla bağlı yenilənmiş statistikanı açıqlayıb.
VOA xəbər verir ki, Livan Səhiyyə Nazirliyinin məlumatına əsasən, martın 2-dən etibarən İsrailin həyata keçirdiyi hücumlar nəticəsində ölkə ərazisində azı 3 111 nəfər həyatını itirib, 9 432 nəfər isə yaralanıb.
Məlumata görə, hücumlar nəticəsində mülki infrastruktura və yaşayış məntəqələrinə də zərər dəyib. Bununla yanaşı, bölgədə təhlükəsizlik vəziyyətinin gərgin olaraq qaldığı və humanitar narahatlıqların artdığı bildirilir.
Regionda davam edən qarşıdurmalar səbəbindən beynəlxalq təşkilatlar mülki şəxslərin təhlükəsizliyinin təmin olunması və humanitar vəziyyətin daha da ağırlaşmasının qarşısının alınması ilə bağlı çağırışlarını davam etdirirlər.
