BAKI,VOA,Yusif Şərifzadə
Netanyahu bilir ki, Livandakı eskalasiya ABŞ–İran danışıqlarını poza bilər
VOA xəbər verir ki, Netanyahu İsrailin Livandakı eskalasiyasını şimal İsrail icmalarını qorumaq üçün bir vasitə kimi təqdim etməyə çalışır. Uzun müddətdir dron və raket hücumlarına məruz qalan bu icmalar, Netanyahu vəd etdiyi məqsədlərə – Hizbullahı silahsızlandırmaq və şimal icmalarda sakitliyi bərpa etmək – çatmadığı üçün narazılıq edirlər.
Netanyahu çətin vəziyyətlə üz-üzədir. O, Livanda eskalasiyanı davam etdirməyə çalışır, lakin bunun şimal İsrail icmalarında sakitlik gətirəcəyinə dair dərin şübhələr mövcuddur. Həmçinin cənub Livanda Hizbullahın İsrail əsgərlərinə vurduğu itkilərə görə tənqidlər də artır.
O, bütün bu narazılıqları eşidib güc nümayişi göstərmək istəyir. Netanyahu və müdafiə naziri birlikdə, Beyrutun cənub ətraflarındakı Hizbullah mövqelərinə qarşı hücum əmri veriblər. Bütün bunlar onun daxili auditoriyaya ünvanlanmış addımlarındandır.
Eyni zamanda Netanyahu bilir ki, Livandakı bu eskalasiya ABŞ və İran arasında aparılan danışıqların istiqamətini poza bilər. Onun marağında hər hansı bir razılaşmanı sabotaj etmək durur.
